Class 10 Science Chapter 6 Question Answers Assamese Medium | জীৱন প্রক্রিয়া প্ৰশ্ন উত্তৰ

আমি ইয়াৰ আগতে Class 10 Science Chapter 6 Assamese Medium তথা দশম মান শ্ৰেণীৰ ষষ্ট অধ্যায় জীৱন প্রক্রিয়া আলোচনা কৰিছোঁ। আজি আমি Assamese Medium লৈ আকৌ এবাৰ স্বাগতম জনাইছোঁ Class 10 Science Chapter 6 Question Answers Assamese Medium তথা জীৱন প্রক্রিয়া প্ৰশ্ন উত্তৰ আলোচনা কৰিবলৈ।

অসমীয়া মাধ্যমৰ দশম মান শ্ৰেণীৰ সাধাৰণ বিজ্ঞানৰ প্ৰতিটো খণ্ডৰ প্ৰতিটো অধ্যায় আমি আলোচনা কৰিবলৈ প্ৰয়াস কৰিছোঁ। আপুনি যদি Class 10 Assamese Medium ৰ ছাত্ৰ বা শিক্ষক তেন্তে ই আপোনাক সহায় কৰিব পাৰে। আপুনি বিচাৰিলে তলৰ লিংকৰ পৰা সম্পূৰ্ণ অধ্যায়ৰ মূল কথা আৰু সম্পূৰ্ণ প্ৰশ্ন উত্তৰ ডাউনলোড কৰিব পাৰিব।

Class 10 Chemistry Assamese Medium

Class 10 Biology Assamese Medium


Class 10 Science Chapter 6 Question Answers Assamese Medium

ইয়াত আমি আজি দশম মান শ্ৰেণীৰ ষষ্ট অধ্যায় জীৱন প্রক্রিয়াৰ কোনো মূল কথা আলোচনা নকৰাকৈ পোনে পোনে প্ৰশ্ন উত্তৰ আলোচনা কৰিম। ইয়াৰ বাবেই আমি ইয়াত কিছু কিছু অতি চমু প্রশ্নোত্তৰ, বহল ব্যাখ্যা, পাৰ্থক্য, চমুটোকা আদি আমি আলোচনা কৰাৰ ওপৰিও অনুশীলনৰ প্রশ্নোত্তৰ আলোচনা কৰিম।

অতি চমু প্রশ্নোত্তৰ (পােনপটীয়া প্রশ্নোত্তৰ)

1: মানুহৰ দৰে বহুকোষী জীৱৰ অক্সিজেনৰ প্ৰয়ােজন পূৰাবলৈ কিয় ব্যাপন প্রক্রিয়া পর্যাপ্ত নহয়?
উত্তৰ : বহুকোষী জীৱৰ ক্ষেত্ৰত, শৰীৰৰ সকলােবােৰ কোষেই চৌপাশৰ পৰিৱেশৰ লগত প্রত্যক্ষ সংস্পৰ্শত নাথাকিবও পাৰে। সেয়েহে, সাধাৰণ ব্যাপন প্রক্রিয়া এনে জীৱৰ প্রতিটো কোষৰ অক্সিজেনৰ প্রয়ােজন পূৰাবলৈ পর্যাপ্ত নহয়।

2 : কোনাে এটা বস্তু জীৱিত হয় নে নহয় তাক জানিবলৈ তুমি কি কি চর্ত ব্যৱহাৰ কৰিবা ?
উত্তৰঃ কোনাে এটা বস্তু জীৱিত হয় নে নহয় তাক জানিবলৈ তলৰ চৰ্তসমূহ ব্যৱহাৰ কৰা যায় —
(i) খাদ্য গ্রহণ
(ii) বৃদ্ধি
(iii) শ্বসন
(iv) চলাচল
(v) প্রজনন।

3 এটা জীৱই বাহিৰৰ কেঁচা সামগ্রী কিহৰ বাবে ব্যৱহাৰ কৰে?
উত্তৰ : জীৱ এটাই বাহিৰৰ পৰিৱেশৰ পৰা কেঁচা সামগ্রী হিচাপে প্ৰধানকৈ কার্বনযুক্ত অণুসমূহ গ্ৰহণ কৰে। এই কেঁচা সামগ্ৰীসমূহ জীৱই শক্তি আহৰণ আৰু শৰীৰৰ বৃদ্ধিৰ বাবে ব্যৱহাৰ কৰে।

4 : জীৱৰ জীৱন চলাই নিবৰ বাবে তুমি কি কি প্রক্রিয়া দৰকাৰী বুলি গণ্য কৰা?
উত্তৰ : জীৱৰ জীৱন চলাই নিবৰ বাবে দৰকাৰী হােৱা জীৱন প্রক্রিয়াসমূহ হ’ল পৰিপুষ্টি, শ্বসন, পৰিবহণ আৰু ৰেচন।

5ঃ স্বপােষিত আৰু পৰপােষিত পুষ্টি পার্থক্যসমূহ কি?
উত্তৰঃ স্বপােষিত আৰু পৰপােষিত পুষ্টি পার্থক্যসমূহ হ’ল
(i) স্বপােষিত পুষ্টিত জীৱই বাহিৰা পৰিৱেশৰ পৰা কেঁচা সামগ্রী আহৰণ কৰি নিজৰ খাদ্য নিজে প্রস্তুত কৰি লয়। আনহাতে, পৰপােষিত পুষ্টিত জীৱ এটাই খাদ্যৰ বাবে আন জীৱৰ ওপৰত নিৰ্ভৰ কৰিবলগীয়া হয়।
(ii) স্বপােষিত পুষ্টিৰ প্ৰকাৰ মাথোঁ এটা। আনহাতে, খাদ্যৰ প্ৰকাৰ আৰু তাক আহৰণ কৰাৰ পদ্ধতিৰ ওপৰত নিৰ্ভৰ কৰি বেলেগ বেলেগ জীৱৰ ক্ষেত্ৰত পৰােষিত পুষ্টি বেলেগ বেলেগ ধৰণৰ হ’ব পাৰে।

6 সালােক সংশ্লেষণৰ বাবে প্রয়ােজন হােৱা প্ৰতিটো কেঁচা সামগ্রী উদ্ভিদে ক’ৰ ক’ৰ পৰা আহৰণ কৰে?
উত্তৰঃ সালােক সংশ্লেষণৰ বাবে প্রয়ােজন হােৱা প্ৰতিটো কেঁচা সামগ্রী উদ্ভিদে তলত উল্লেখ কৰা উৎসসমূহৰ পৰা আহৰণ কৰে।
(i) বায়ুমণ্ডলৰ পৰা কার্বন-ডাই-অক্সাইড।
(ii) মাটিৰ পৰা পানী।

7 : আমাৰ পাকস্থলীত এছিডৰ ভূমিকা কি [HSLC.’20]
উত্তৰ : আমাৰ পাকস্থলীত থকা হাইড্রক্লৰিক এছিডৰ মুখ্য কার্যসমূহ হ’ল ;-

  • ই পাকস্থলীত এক আম্লিক মাধ্যমৰ সৃষ্টি কৰি প্ৰটিন বিশ্লেষী উৎসেচক পেপচিনৰ ক্রিয়াত সহায় কৰে।
  • ই খাদ্যত থকা বেক্টেৰিয়া ধ্বংস কৰে।

8 : পাচক উৎসেচক (Digestive enzyme) ৰ কার্য কি?
উত্তৰ : পাচক উৎসেচকসমূহৰ মুখ্য কার্য হ’ল খাদ্যৰ জটিল অণুসমূহক সৰল অণুলৈ ৰূপান্তৰিত কৰা।

9 : পাচিত খাদ্যৰ শােষণৰ বাবে ক্ষুদ্রান্তডাল কেনেদৰে গঠিত হৈছে?
উত্তৰ : ক্ষুদ্ৰান্তৰ আন্তঃআৱৰণীখনত অসংখ্য আঙুলি-সদৃশ প্রবর্ধৰ সৃষ্টি হয়, যাক ভিলাই বুলি কোৱা হয়। এই ভিলাইবােৰে শােষণৰ বাবে পৃষ্ঠকালিৰ বৃদ্ধি ঘটায়। ভিলাইবােৰ ৰক্তনলীৰ সৈতে সংযুক্ত হৈ থাকে। এই ৰক্তনলীবােৰে শােষিত খাদ্যক প্ৰতিটো কোষলৈ কঢ়িয়াই নিয়ে।

10 : শ্বসনৰ বাবে অক্সিজেন আহৰণৰ ক্ষেত্ৰত স্থলচৰ জীৱ এটাৰ জলজ জীৱ এটাতকৈ সুবিধা কি? [HSLC.’17|
উত্তৰঃ শ্বসনৰ বাবে অক্সিজেন আহৰণৰ ক্ষেত্রত স্থলচৰ জীৱ এটাৰ জলজ জীৱ এটাতকৈ সুবিধা এয়ে যে বায়ুমণ্ডলত থকা অক্সিজেনৰ পৰিমাণ, পানীত দ্ৰৱীভূত অৱস্থাত থকা অক্সিজেনতকৈ বহু-বেছি।

এইবাবে জলজ জীৱসমূহে স্থলচৰ জীৱৰ তুলনাত বেছি ঘন ঘনকৈ শ্বাস-প্রশ্বাস ল’ব লগা হয়।

বহল প্রশ্নোত্তৰ

1:মানুহৰ শৰীৰত অক্সিজেন আৰু কার্বন ডাই অক্সাইড কেনেদৰে পৰিবাহিত হয়?
উত্তৰ : মানুহৰ শৰীৰত অক্সিজেন আৰু কার্বন ডাই অক্সাইডৰ পৰিবহণ তেজৰ দ্বাৰা সংঘটিত হয়। তেজৰ লােহিত ৰক্ত কণিকাত থকা শ্বাসৰঞ্জক হিম’গ্লবিনে অক্সিজেন কঢ়িয়ায়। আনহাতে পানীত বেছি পৰিমাণে দ্ৰৱীভূত হােৱাৰ গুণত, কার্বন-ডাই-অক্সাইড তেজত দ্ৰৱীভূত অৱস্থাত পৰিবাহিত হয়।

2: গেছৰ আদান-প্রদানৰ বাবে পৃষ্ঠকালি সর্বোচ্চ কৰাৰ স্বাৰ্থত মানুহৰ শৰীৰত হাওঁফাওঁ দুটা কেনেদৰে গঠিত হৈছে?
উত্তৰঃ হাওঁফাওঁৰ ভিতৰত বায়ুনলী ডাল সৰু সৰু নলীকালৈ বিভাজিত হয়, যিবােৰে কিছুমান বেলুন সদৃশ গঠনত গৈ শেষ হয়। এই গঠনৰবাৰক বায়ুকোষ বা এলভিওলি বােলা হয়।

এই এলভিওলি বা বায়ুকোষবােৰে গেছৰ আদান-প্রদানৰ বাবে এখন পৃষ্ঠৰ যােগান ধৰে। বায়ুকোষবােৰৰ বেৰবিলাকত ৰক্তনলীৰ এখন জালিকা থাকে, যাৰ সহায়ত বায়ুকোষ আৰু তেজৰ মাজত গেছৰ আদান-প্রদান ঘটে।

3: মানুহৰ পৰিবহণ তন্ত্ৰৰ উপাদানসমূহ কি কি? এই উপাদানসমূহৰ কাৰ্যবােৰ কি কি?
উত্তৰ : মানুহৰ পৰিবহণ তন্ত্ৰৰ উপাদানসমূহ আৰু সিহঁতৰ প্রত্যেকৰে কার্য তলত উল্লেখ কৰা হ’ল-

  • হৃদপিণ্ড: ইয়াৰ মুখ্য কাম হ’ল শৰীৰৰ প্রতিটো অংগলৈ তেজ সঞ্চালন ঘটোৱা।
  • ৰক্ত: ইয়াৰ মুখ্য কার্য হ’ল বিভিন্ন প্রয়ােজনীয় দ্রব্য, যেনে পাচিত খাদ্য, অক্সিজেন, কার্বন-ডাই-অক্সাইড, নাইট্রজেনজাতীয় ৰেচন পদার্থ, লৱণ আদিৰ পৰিবহণ কৰা।
  • ৰক্তনলীৰ জালিকা: ধমনীবােৰে হৃদপিণ্ডৰ পৰা শৰীৰৰ আন আন অংগলৈ তেজ কঢ়িয়াই নিয়ে। আনহাতে সিৰাসমূহে শৰীৰৰ বিভিন্ন অংগৰ পৰা তেজ সংগ্রহ কৰি তাক হৃদপিণ্ডলৈ ঘূৰাই আনে।
  • ৰক্তনলীৰ জালিকাখনৰ মেৰামতিৰ বাবে এক বিশেষ তন্ত্র : ৰক্তনলীৰ জালিকাখন কিবা কাৰণত ক্ষতিগ্রস্ত হলে, তাৰ মেৰামতিৰ বাবে এক বিশেষ তন্ত্র থাকে। তেজত থকা অনুচক্রিকা কোষসমূহে এই মেৰামতিৰ কার্য সম্পন্ন কৰে।

4: স্তন্যপায়ী প্রাণী আৰু চৰাইৰ ক্ষেত্ৰত অক্সিজেনযুক্ত আৰু অক্সিজেনৰহিত তেজক পৃথক কৰি ৰখাৰ প্ৰয়ােজনীয়তা কি?
উত্তৰঃ স্তন্যপায়ী প্রাণী আৰু চৰাইবােৰ উষ্ণৰক্তী প্রাণী, যিয়ে অনবৰতে নিজৰ শৰীৰৰ উষ্ণতা অক্ষুন্ন ৰাখিবলৈ শক্তিৰ ব্যৱহাৰ কৰে। সেইবাবে সিহঁতৰ দেহত এক উচ্চ দক্ষতাসম্পন্ন অক্সিজেন যােগানৰ প্রয়ােজন হয়। এই উদ্দেশ্যত, স্তন্যপায়ী আৰু চৰাইৰ শৰীৰত অক্সিজেনযুক্ত আৰু অক্সিজেনৰহিত তেজক পৃথক কৰি ৰখাটো নিতান্তই প্রয়ােজনীয়।

5 : সুসংগঠিত উক্তিৰ শৰীৰত পৰিবহণ তন্ত্ৰৰ উপাদানসমূহ কি কি? [HSLC.’18]
উত্তৰঃ সুসংগঠিত উদ্ভিদৰ শৰীৰত পৰিবহণ তন্ত্ৰৰ উপাদানসমূহ হ’ল–
জাইলেম: যাৰ দ্বাৰা উদ্ভিদৰ শৰীৰত পানী আৰু খনিজ লৱণৰ উর্ধ্বমুখী পৰিবহণ। সংঘটিত হয়।
ফ্লোৱেম: যাৰ সহায়ত পাতত প্রস্তুত হােৱা খাদ্য আৰু আন আন পদার্থ উধ্বমুখী। আৰু অধােমুখী দুয়ােটা দিশত উদ্ভিদদেহত পৰিবাহিত হয়।

6 : উদ্ভিদদেহত পানী আৰু খনিজ লৱণ কেনেদৰে পৰিবাহিত হয় ?[HSLC.’15,’18|
উত্তৰ : উদ্ভিদদেহত পানী আৰু খনিজ লৱণৰ পৰিবহণ জাইলেম কলাৰ মাজেৰে সংঘটিত হয়। জাইলেম কলাত শিপা, কাণ্ড আৰু পাতৰ ট্ৰেকাইড (Tracheids) আৰু নলীকা (Vessels) বােৰ পৰস্পৰৰ লগত সংলগ্ন হৈ পানী পৰিবহণৰ এক অবিচ্ছিন্ন তন্ত্ৰৰ সৃষ্টি কৰি উদ্ভিদদেহৰ সকলাে অংশকে স্পর্শ কৰে। শিপাৰ যিবােৰ কোষ মাটিৰ লগত প্রত্যক্ষ সংস্পর্শত থাকে, সিহঁতে সক্রিয়ভাৱে মাটিৰ পৰা আয়নসমূহ গ্ৰহণ কৰে।

ইয়ে শিপা আৰু মাটিৰ মাজত আয়নৰ গাঢ়তাৰ পার্থক্যৰ সৃষ্টি কৰে। সেয়েহে এই পার্থক্য দূৰ কৰিবলৈ মাটিৰ পৰা শিপালৈ পানীৰ প্রবাহ বয়। ইয়ে শিপাৰ জাইলেম কলালৈ পানীৰ এক। স্থিৰ প্ৰবাহৰ সৃষ্টি কৰি পানীৰ এক স্তম্ভৰ সৃষ্টি কৰে, যাক নিৰবচ্ছিন্নভাৱে ওপৰৰ দিশলৈ ঠেলি থকা হয়।

জাইলেম কলাৰ মাজেৰে পানীৰ ঊর্ধ্বমুখী পৰিবহণত আন এক চালিকা শক্তি হ’ল প্রস্বেদন টান (Transpiration pull)। প্রস্বেদন প্রক্রিয়াত উদ্ভিদৰ পাতৰ কোষৰ পৰা পানীৰ অণুৰ বাষ্পীভৱনৰ ফলত পানীৰ স্তম্ভটোৱে ওপৰৰ ফালে এক শােহা অনুভৱ কৰে, যাৰ ফলত শিপাৰ জাইলেম কোষৰ পৰা পানীয়ে ওপৰৰ দিশলৈ গতি কৰে।

7 : উদ্ভিদদেহত খাদ্য কিদৰে পৰিবাহিত হয়? [HSLC.’15,’20]
উত্তৰ : উদ্ভিদদেহত খাদ্যৰ পৰিবহণ ফ্লোৱেম কলাৰ মাজেৰে সংঘটিত হয়। এই প্রক্রিয়াক খাদ্য স্থানান্তৰণ (Translocation) বােলা হয়।

উদ্ভিদদেহত খাদ্য আৰু আন পদার্থ যেনে এমিন’ এহিডৰ স্থানান্তৰণ প্রক্রিয়া চালনি নলীকা (Sieve tubes) ত সংগী কোষ (companion cell) ৰ সহযােগত ঊর্ধ্বমুখী আৰু অধােমুখী দুয়ােটা দিশতেই সংঘটিত হয়। জাইলেম কলাৰ মাজেৰে পৰিবহণ প্রক্রিয়াত সাধাৰণ ভৌতিক বল জড়িত থকাৰ বিপৰীতে ফ্লোৱেম কলাৰ মাজেৰে খাদ্য আৰু আন পদার্থৰ পৰিবহণত শক্তিৰ , প্রয়ােজন হয়।

ATP ৰ পৰা শক্তি আহৰণ কৰি কিছুমান পদার্থ যেনে– চুক্রজ ফ্লোৱেম। কলালৈ স্থানান্তৰিত কৰা হয়। এই কার্যই এই কলাৰ আসৃতি চাপ (osmotic pressure) যুদ্ধ কৰে, যাৰ ফলত এই কলালৈ পানীয়ে গতি কৰে। এই চাপে ফ্লোৱেম কলাৰ পৰা Wভন্ন দ্রব্য কম চাপত থকা কলাকোষসমূহলৈ স্থানান্তৰিত কৰে। এনেদৰে উদ্ভিদৰ প্রয়ােজন অনুসৰি ফ্লোৱেম কলাই বিভিন্ন দ্রব্যৰ স্থানান্তৰ ঘটায়।

8 :নেফ্রনৰ গঠন আৰু কার্য বর্ণনা কৰা।
উত্তৰঃ নেফ্রনবােৰ হ’ল বৃক্কৰ মৌলিক বন্দী ধমনী / পৰিস্ৰাৱন একক। নেফ্রনবােৰৰ গঠন দীঘল নলীৰ দৰে, যাৰ এটা মূৰ কাপৰ আকৃতিৰ।

এই অংশটোৰ লগত সংলগ্ন অতি সূক্ষ্ম ৰক্তকেশিকাৰ থুপ এটাই যাক গ্লমেৰুলাছ +-সংগ্রাহক বােলা হয়, প্রথমে তেজৰ পৰা পৰিস্ৰাৱন নলী কৰি মূত্র তৈয়াৰ কৰে। এই প্রাথমিক মূত্রখিনি কাপ-আকৃতিৰ অংশটোৱে যাক ব’মেনৰ সম্পূট বােলা হয়, সংগ্রহ কৰি নেফ্রনৰ পিছৰ অংশলৈ পঠাই দিয়ে।

নেফ্রন কার্য : নেফ্রনত থকা ৰক্ত কেশিকাৰ থুপ এটাই, যাক গ্ল’মেলাছ বােলা হয়, তেজৰ পৰা পৰিস্ৰাৱন কৰি প্রাথমিক মূত্ৰৰ সৃষ্টি কৰে। পিছত এই মূত্রখিনি নেফ্রনৰ কাপআকৃতিৰ মূৰটোলৈ, যাক ব’মেনৰ সম্পূট বােলা হয়, পঠাই দিয়া হয়।

ব’মেনৰ সম্পূটে পৰিসুতখিনি সংগ্রহ কৰি নেফ্রনৰ নলীডালৰ পিছৰ কুণ্ডলীকৃত অংশলৈ পঠাই দিয়ে। এই অংশৰ মাজেৰে পৰিসুতখিনি পৰিবাহিত হওঁতে কিছুমান পদার্থ যেনে গ্রুক’জ, এমিন’ এছিড, লৱণ আৰু যথেষ্ট পৰিমাণৰ পানী ঠায়ে ঠায়ে পুনৰ শােষিত হয়।

আন কিছুমান হানিকাৰক পদার্থ যেনে ক্রিয়েটিন আৰু ক্রিয়েটিনিন আদি নেফ্রনৰ নলীকাই যােগ কৰাৰ পাছত মূত্রখিনি মূত্রনলী বা ইউটোৰ (ureters) ৰ মাজেৰে গৈ মূত্রথলী (urinary bladder) ত গৈ সঞ্চিত হয়। পিছত মূত্রথলীৰ পৰা সময়ে সময়ে মূত্রখিনি মূত্রাশয় (urethra) ৰ যােগেদি শৰীৰৰ পৰা বাহিৰলৈ ওলাই যায়।

Class 10 Science Chapter 6 Question Answers Assamese Medium নেফ্রনৰ গঠন

9 : ৰেচনজাতীয় পদার্থ নিষ্কাশনৰ বাবে উদ্ভিদে ব্যৱহাৰ কৰা পদ্ধতিবােৰ কি কি ?
উত্তৰ : ৰেচনজাতীয় পদার্থ নিষ্কাশনৰ বাবে উদ্ভিদে ব্যৱহাৰ কৰা বিভিন্ন পদ্ধতিসমূহ হ’ল—

  1. উদ্ভিদে শৰীৰৰ পৰা অক্সিজেন আৰু কার্বন-ডাই-অক্সাইড পত্ৰৰ যােগেদি ব্যাপন প্রক্রিয়াৰ বাহিৰলৈ উলিয়াই দিয়ে।
  2. উদ্ভিদে অতিৰিক্ত পানীভাগ প্রস্বেদন প্রক্রিয়াৰে শৰীৰৰ পৰা আঁতৰায়।
  3. উদ্ভিদে কিছুমান বর্জনীয় পদার্থ পাতত সঞ্চয় কৰে, যি পিছত পাতৰ সৈতে সৰি পৰে।.
  4. উদ্ভিদে অন্য কিছুমান বর্জনীয় পদার্থ ৰেজিন (Resins) আৰু আঠা (Gums) হিচাপে সঞ্চিত কৰে।

ইয়াৰ পৰৱৰ্তী সময়ত Class 10 Science Chapter 6 Question Answers Assamese Medium ৰ আন আন প্ৰশ্ন উত্তৰ ইয়াৰ আমি যোগান ধৰি থাকিম। আপোনালোকৰ যদি কিবা প্ৰশ্ন থাকে তেন্তে ইয়াৰ Comment Section ত জনাব পাৰে বা আপুনি আমাৰ Assamese Medium Facebook Page জনাব পাৰে, আমি যথা সময়ত উত্তৰ দিবলৈ প্ৰয়াস কৰিম।

1 Comment

Leave a Reply

Your email address will not be published.